Prepare your heart for the Christ Child by praying in the sacred language of the Church! The Manual of Prayers for the Laity is the only prayerbook you’ll need, with hundreds of essential prayers in both Latin and English.
Rorate Caeli
Rorate cæli desuper, et nubes pluant justum.
Ne irascaris Domine, ne ultra
memineris iniquitatis; ecce civitas
Sancti facta est deserta: Sion deserta
facta est: Jerusalem desolata est:
domus sanctificationis tuæ et gloriæ
tuæ, ubi laudaverunt te patres nostri.
Rorate caeli desuper, et nubes pluant justum.
Peccavimus, et facti sumus tanquam
immundus nos, et cecidimus
quasi folium universi: et iniquitates
nostræ quasi ventus abstulerunt nos:
abscondisti faciem tuam a nobis,
et allisisti nos in manu iniquitatis
Nostræ.
Rorate caeli desuper, et nubes pluant justum.
Vide, Domine, afflictionem populi
tui, et mitte quem missurus es:
emitte Agnum dominatorem terræ,
de petra deserti, ad montem filiæ
Sion: ut auferat ipse jugum captivitatis
Nostræ.
Rorate caeli desuper, et nubes pluant justum.
Consolamini, consolamini, popule
meus: cito veniet salus tua: quare
moerore consumeris, quia innovavit
te dolor? Salvabo te, noli timerc, ego
enim sum Dominus Deus tuus, Sanctus
Israel, redemptor tuus.
Rorate caeli desuper, et nubes pluant justum.
Creator Alme Siderum
Creator alme siderum,
Æterna lux credentium,
Jesu, Redemptor omnium,
Intende votis supplicum.
Qui dæmonis ne fraudibus
Periret orbis, impetu
Amoris actus, languidi
Mundi medela factus es.
Commune qui mundi nefas
Ut expiares, ad crucem
E Virginis sacrario
Intacta prodis victima.
Cujus potestas gloriæ,
Nomenque cum primum sonat,
Et cælites et inferi
Tremente curvantur genu.
Te deprecamur ultimæ
Magnum diei Judicem,
Armis supernæ gratiæ
Defende nos ab hostibus.
Virtus, honor, laus, gloria
Deo Patri cum Filio,
Sancto simul Paraclito,
In sæculorum sæcula.
Amen.
The Great Antiphons
December 17
O sapientia, quæ ex ore Altissimi
prodiisti, attingens a fine usque ad
finem, fortiter suaviterque disponens
omnia: veni ad docendum nos viam
prudentiæ.
December 18
O Adonai, et Dux domus Israel, qui
Moysi in igne flammæ rubi apparuisti,
et ei in Sina legem dedisti: veni ad
redimendum nos in brachio extento.
December 19
O radix Jesse, qui stas in signum
populorum, super quem continebunt
reges os suum, quem Gentes
deprecabuntur: veni ad liberandum
nos, jam noli tardare.
December 20
O clavis David, et sceptrum domus
Israel; qui aperis, et nemo claudit;
claudis, et nemo aperit; veni, et educ
vinctum de domo carceris, sedentem
in tenebris, et umbra mortis.
December 21
O Oriens, splendor lucis æternæ, et
sol justitiæ: veni, et illumina sedentes
in tenebris, et umbra mortis.
December 22
O Rex Gentium, et desideratus
earum, lapisque angularis, qui facis
utraque unum: veni, et salva hominem,
quem de limo formasti.
December 23
O Emmanuel, Rex et legifer noster,
exspectatio Gentium, et Salvator
earum: veni ad salvandum nos,
Domine, Deus noster.
ooo
This article is taken from a chapter in A Manual of Prayers compiled by the Council of Baltimore which is available from TAN Books.
